Carol瞓身啜冰嘆賺錢辛苦
「浸大E神」楊梓瑤（Carol）寫真集含完冰，再挑戰三級甫士，不惜瞓身啜唧唧冰，露出長長事業線，意識大膽惹人遐想。對於「警鐘胸」Jessica C.（JC）的疑似走光寫真，Carol繼續寸爆說：「乜佢唔係專業model咩？」
Carol繼早前發放寫真集《Huge》中，大玩含冰露骨照，昨日乘勢出擊，發放數張在沙灘上瞓身趴地的相片，露出長長事業線的Carol雙峰被壓到差點爆衫而出，而她口中不停含啜白色唧唧冰，其中一張更俯前用紙巾抹去地下的融冰，惹人遐想。
寸JC失策
對於近日Jessica C.出言跟o靚模劃清界線，但她推出的寫真卻發現疑似走光相，Carol繼續寸嘴說：「乜佢唔係專業model咩？咁失策呀？仲以為佢會好安全添，其實大家同期出道點可以分高低？應該互相尊重囉，唔通佢出席活動着得性感啲，我就話佢cheap咩？」
唔做免費騷
另外，Carol昨日接受網上電台訪問，罕有地密封事業線以背心短褲現身。未能踏入書展的她透露24日將會於尖沙咀的商場舉行簽名會，屆時會性感上陣，向現場人士大派紀念品。提到有人指o靚模為出位而出免費騷，Carol說：「我肯經理人公司都唔肯啦，每個人都有選擇嘅，睇吓件事咩性質啦，咁辛苦做嘢，唔收錢會好慘！」
採訪：音樂組