林峯為爭視帝爆爛gag

林峯及梁詠琪等昨晚錄影《勁歌金曲》，將於本月尾開演唱會的林峯，被指原定於邵氏片廠舉行的港姐競選因環境問題要搬回紅館舉行，令門票銷情甚佳的林峯因無期以致再度加場夢碎。不過當記者詢問林峯詳情時，他卻表示不知情：「呢啲嘢要問番高層。」並打趣謂在前面的日子加場亦可；但觀乎紅館檔期表，由於24日還在舉行譚詠麟演唱會，要預留時間拆台及搭台，估計林峯再加場的希望頗渺茫。

想同祥仔合作

談到有望揮低黎耀祥及陳豪等勁敵榮登視帝，林峯一笑置之謂：「都幾新鮮呀，咁快鋪定。」林峯事後直指對拿視帝有信心，不過不忘擦鞋大讚祥仔及陳豪：「阿Mo（陳豪）同祥仔都係前輩，我都想同祥仔合作拍劇。」當記者笑指他與祥仔一山不能藏二虎時？林峯竟搞爛gag謂：「我馬嚟o架咋，一隻肯跑嘅馬。」

梁詠琪為領養的兩隻貓，改個靚仔球星名。

吳卓羲（左）與林峯為演唱會落力綵排。

至於無綫外事部副總監曾醒明，則強調港姐搬回紅館舉行與邵氏片廠環境問題無關：「我哋內部開會覺得紅館適合啲，因為港姐要招待好多賓客，而且紅館技術上支援恰當啲。」

養貓改球星名

此外，梁詠琪昨晚自爆領養兩隻貓，並參照靚仔球星的名字為牠們改名，當記者打趣問將來為兒子改名會否參考報紙時，她笑謂：「好喎，改啲偉人同科學家嘅名，望子成龍吖嘛！」

另林峯、徐子珊與吳卓羲昨晚齊齊為林峯演唱會綵排，林峯與吳卓羲更狀甚老友地一起跳舞兼搭膊頭合照，足證感情甚佳。

文：影視組