林峯豬籠入水被屈請遊埠

林峯被馬國明（馬明）指他即將開騷，豬籠入水，他不示弱說：「聽講馬明同我一樣最近都換咗新車，我真係冇講過請去泰國，但我應該會請食飯，不過要等我做完演唱會先。（馬明係咪節儉？）我唔識點講，我萬歲次數實在太多，馬明唔係孤寒，佢係好男人。」

《談情說案》一直被指抄日劇《神探伽俐略》，剛巧無綫近日重播《神》劇，林峯說：「係咩？我唔驚畀人搵出更多相似之處。（《談》劇開續集？）我冇應承監製劉家豪任何嘢。（會否為樂易玲賀生日？）我年年人到禮唔到。（怕ICAC，唔敢送禮？）唔會，或者請佢食飯。」

楊怡恨咀嘉穎

楊怡得悉無綫重播《神》劇，她笑言：「咁寸？都好，我都未睇過，觀眾係咪會攞嚟同《談》劇對照我就唔知，但我諗好多師奶嗰個鐘數瞓咗覺。（《談》劇開續集？）依家結局已經好好，如果開，希望係全新故事。（等多啲日劇播出後再抄？）唔使，可能日劇抄我哋呢！我想同多啲男對手合作，夢想同金城武，鄭嘉穎我都未錫過，最近拍黃浩然，佢老婆叫我同佢老公玩多啲，我集郵集親都名正言順，唔會畀人摑我兩巴。（同你緋聞男友黎諾懿合作？）佢係我好兄弟、好姊妹。」

文：影視組