許志安與韓紅曾被拍得在街頭激咀，昨晚二人出席紅館舉行的活動，雖然沒有同台表演，但兩人已相約騷後撐枱腳，安仔自爆說：「韓紅尋晚（即前晚）同陳奕迅、楊千嬅食飯，都有打畀我問我出唔出去，因為太眼瞓，所以冇出去。（會唔會約佢？）今晚（即昨晚）再出去食過，避重就輕啦。」記者笑問有甚麼好避？安仔說：「我係指少飲酒。」再被問是否怕酒後亂性？抵死的安仔即笑騎騎說：「我想再錫多次。」但他隨即正經補充：「要錫都係陳奕迅錫先，根本我同韓紅係兄妹，要錫就錫咗九世啦，不過佢個人又真係好抵錫。」
