喜聞港男似老孫 楊秀惠恨做評判
無綫藝員楊秀惠昨日聯同張嘉兒、李思欣等出席香港國際手球錦標賽記者會，楊秀惠直言剛由加拿大回港，透露今次和黃宗澤及王君馨往當地登台，因簽證出現問題比大隊遲了抵埗，但就避過一場地震，她說：「今次5.5級地震，君馨話好驚，我未遇過，如果喺現場一定好驚。」更表示是次行程匆忙，沒有時間觀光，只好到超巿購物掃貨補數。
另外，問及有今屆港男參賽者樣貌勁似其前緋聞男友孫耀威，楊秀惠毫不避忌地說：「吓！真係？咁咪好靚仔？咁佢唔可以唱歌，如果唔係咪搶飯碗，最好一個唱歌一個拍劇。」笑稱自己希望有機會做評判，現場參與評分，至於會否因為似孫耀威而特別偏心，她說：「咁又好難講喎，仲要睇身形同有冇幽默感。」