Suki放豪語生夠4個！

黃氏夫婦昨晚假酒店筵開十七席宴請親朋，鈴木仁、李蕙敏、司徒瑞祈、陳嘉容、馬賽及沈卓盈等紛紛到賀，Kenny更悉心準備印有一家三口肖像的酒瓶連酒作回禮。

30歲前收工

已回復狀態大勇的Suki大騷咪咪，與囡囡鬥搶鏡，現時體重99磅的她有做機減肥，加上注意飲食，終成功修身，由於生產過程甚至湊囡囡都很順利，Suki直言：「生四個都冇問題。（明年為Kenny添個兔仔？）都可以，出年年尾啦，生幾次點都會有個（仔）啩！再唔係先去求生仔秘方，我諗30歲前可以收工。」

趣致Ｂ女	會場布置	一家三口圖案酒樽回禮。
陳嘉容	馬賽（左）、沈卓盈到賀。

老婆呷女醋

Kenny則大爆惹Suki呷囡囡醋：「我就算錫佢，對眼都射住個女。」難怪Suki叮囑老公要取得平衡。今次為囡囡設百日宴，Kenny花盡心思，會場布置擺設了兩隻大白兔襯托心瑤的洋名Vianna，相當可愛！

Kenny說囡囡出生後親友送贈的衣飾，很多未着過已不合身，故呼籲到場嘉賓不要再送禮，他更大爆囡囡「理財有道」：「我同BB講，話爸爸攞你啲錢去買嘢，點知佢一拳打埋我隻眼度，笑到我同Suki死呀。（做咗爸爸收晒火？）我不嬲都好脾氣嘅，之前有人撞到我架車，我都同對方講冇事，OK嘅。」

文：影視組