劉欣宜寸新8模冇教養
E Cup Baby劉欣宜、李蘊、HotCha、周柏豪昨晚出席奧海城偕同信和集團商場推廣總經理蘇蔡潔蓮主持開球儀式，劉欣宜與李蘊的兩本寫真集都不獲批准辦簽名會，她無奈說：「主辦商咁急通知我哋唔搞得，有點兒那個，自己同出版商都有損失。」
對新8模鬧主辦商「低B」，劉欣宜即暗寸新8模「冇教養」，她說：「我係文明人，思想講嘢成熟，尊重大會決定，藝人除咗形象，言行都好緊要，做藝人要檢點，（新8模講嘢好過分？）我唔作評論，我係有教養嘅人，唔會說話咁粗鄙，（你話佢哋冇教養？）我唔係咁講，我唔會用咁嘅字眼。」
