杜汶澤露pat自嘲泡沫股

杜汶澤、王祖藍、羅凱珊、李曼筠及吳君如等前晚出席電影《人間喜劇》首映。向來搞笑的阿澤，笑指有露股戲份，問到覺得自己與梁家輝的「patpat」哪個較漂亮？他即笑謂：「佢係田雞股，好重肌肉，我嗰個係泡沫股，脹卜卜咁。拍嗰場戲時，我老婆（田蕊妮）有嚟探班㗎；拍嗰陣我唔想黐膠紙，只係掩住重要部位。」當記者笑問他一隻手能否「覆蓋」整個重要部位時，田蕊妮即搶答謂：「要兩隻！」場面搞笑。
杜汶澤（左）、吳君如與王祖藍拿手搞笑。
杜汶澤（左）、吳君如與王祖藍拿手搞笑。

君如撇女難

至於專誠捧場的君如，則透露請了三個月假陪伴愛女，又指囡囡很黐身：「想離開佢都好難，成日要同佢講出去買啲嘢乘機逃走。今晚要嚟睇戲，我都唔敢講出去買嘢，只係叫個女望吓嗰邊，然後即刻閃走咗。」對於阿澤笑指自己是「泡沫股」，君如即大笑謂：「佢係肉彈、魚蛋呀！」至於原本打算欣賞首映的容祖兒，則因要忙於錄音而臨時缺席。

羅凱珊（右）與李曼筠打扮靚靚睇首映。
  • 羅凱珊（右）與李曼筠打扮靚靚睇首映。