雖說已公開戀情，但Eric卻表示不喜歡與女友的親熱行為曝光，更謂：「好似之前同佢一齊睇波，後來佢攰要走先，我叫司機車佢，送完佢上車就飛奔返入去睇波，仲有廿分鐘就完場，點知就畀人話我午夜狂奔，成日畀人睇到咁close好骨痹。（係咪喺外地自由啲？）冇諗太多，kiss就kiss囉！冇傳媒好啲，好似連環圖咁睇就好尷，但係喺屋企我就鍾意裸跑。」
每當談到女友，Eric總是一副冧樣，自言從前為人性急，與曾交往過的女仔均有拗撬，如今信主後變得心平靜氣，與現任女友更是零嗌交，問到陳美詩是否最幸福的一個，Eric笑不攏嘴謂：「我都覺，咁都要雙方面，我依家會以成熟同甜蜜嘅方式去經營愛情。」