方力申昨日出席電台「人生交叉盤」十周年活動，他表示早年試過買股票損手，當時幸好有高人指點沽貨，不然股票都變成「牆紙」。他又稱已有十年的投資經驗，問到可賺了一層樓？小方笑言：「一層樓成幾百萬，邊賺到咁多呀！」可與「鄰居女友」鄧麗欣分享投資心得？小方即笑道：「係鄰居唔係女友，投資嘅事唔會主動畀意見，呢啲係大忌。」而昨日父親節，小方稱晚上會與家人食飯慶祝，但未有預埋「鄰居Stephy」一份。
