肥媽戥陳潔靈不值

提到無綫的《超級巨聲２》評判杜麗莎窒陳潔靈，身為兩人好友的肥媽說：「聽到都戥陳潔靈唔抵，大家咁高咁大，咁樣畀佢噴！（叫杜麗莎收斂吓？）性格冇得變！（你哋有冇交惡？）幾時輪到我？但唔明點解電視台唔剪走佢囉！」至於上輯冠軍羅力威則力撐師弟妹有實力，並透露最近忙於籌備新碟，最遲十月推出。

肥媽擔任評判為新人打氣。

羅力威忙於籌備十月出新碟。