李文煊被隊友狂抽水
(11)「密實湯唯」李文煊被指內定港姐冠軍，雖有佳麗覺得陪跑而醞釀退選，但與她同組的佳麗卻希望借對方「勢力」來攞着數博見報。
由於李文煊內定新聞爆出，她於昨日凌晨二時多（即香港時間凌晨四、五時）已上網看自己新聞，然後即向大會報告有「金手指」。但記者昨日中午問到李文煊有關內定一事時，她卻扮驚訝表示不知道有退選潮，她說：「好驚訝，邊個退選呀？我哋相處OK，（話你爸爸後台好勁？）爸爸喺上海，唔會有咩關係，（靠張天愛關係？）我哋係老師同學生關係，今次我係靠自己努力，我覺得好無奈！」
大會監製何小慧則否認無綫偏幫，她說：「冇聽過佳麗退選，前晚佳麗玩心理測驗時都冇異樣，（佢啲裙特別靚？）衫係因應個人Style而選，其實都有同班女仔輔導過，參選一定有唔好新聞，其實唔止(11)突出，H同M都好Sharp吖！」