Shiga被整蠱嚇到喊

方大同早前自爆與周柏豪、唱片公司同事聯手整蠱師妹Shiga(連詩雅),片段熱爆youtube及facebook,鬼馬的大同黐鬍鬚教授Shiga做藝人有時要喬裝,令Shiga發笑,但全無警覺性的Shiga不知全程被同事偷拍,直至跟大同食甜品時,大同的band友跟周柏豪攞住相機扮「狗仔隊」衝出來拍照,Shiga當場被嚇到喊,令全場笑爆肚。

Shiga想起被大同、柏豪夾計整蠱一事,自己也覺得超爆笑,她笑說:「公司講明唔畀我曝光,突然見有記者衝出來,情急之下唔知點,佢哋又追住我影,咪忍唔住喊。」得知唱片公司搵大同偷拍整蠱她,無非為幫她宣傳,她都大為感動。