Kelly鞭策老公落力追B女
陳慧琳（Kelly）昨日穿上剛由意大利運到港的Roberto Cavalli斜膊露肩長裙出席航空公司慶祝會，獲大會送出「一世任飛」機票，Kelly笑言希望大會能贊助埋老公劉建浩及囝囝劉昇（Chace），並透露囝囝七個月大首次搭飛機到民丹島旅行。Kelly說：「我要攬住個仔，又要抽嘢，老公負責影相同拖行李，嗰次旅行最大得着係覺得自己大隻咗。（囝囝搭飛機冇喊？）落機有，佢簡直係清潔工人，不停伸手落啲罅隙，又用脷周圍舔。」
讚Lucas得意
另外，Kelly表示做好準備隨時迎接新生命，她說：「會叫老公努力，想追個女。」Kelly更以「十級痛」形容生仔過程。而對張栢芝日前帶埋囝囝謝振軒（Lucas）出席公開活動，Kelly說：「Lucas真係好得意。（囝囝都咁有表演欲？）麻麻哋，冇咁精靈，始終佢仲細唔知發生乜事。」Kelly透露曾有嬰兒用品邀Chace拍廣告，問到會否讓囝囝出鏡？她說：「要同老公商量，相信佢唔係咁想。」
文：音樂組
