Lucas身價千萬起跳

謝霆鋒、張栢芝兒子Lucas在上海電影節搶盡風頭，成為焦點，不少人都想知道究竟Lucas會否加入娛樂圈？前晚，栢芝接受電話訪問談及此事，她表示：「Lucas一歲時，曾經有廣告商出一千萬邀請佢拍廣告，但我一路覺得細路仔應該返學讀書，但依家成日有記者喺學校門口食住煙咁等Lucas，我覺得好唔開心，大部分時間都係咁，喺學校門口食煙，真係好唔啱，我一直都唔想Lucas曝光，但依家經常做封面，好無奈！既然都曝咗光，再加上咁多人話佢有演藝天分，如果啲工作唔辛苦嘅話，都可以畀Lucas玩下嘅。」

應爾冬陞邀復工

談到栢芝何時會復出拍戲，她坦言自己從未退出過，但不會再像十八歲時用盡所有時間工作，對於爾冬陞力邀她拍戲，並開出她可帶Lucas去片場以及只需留港拍文戲等優厚條件，栢芝聞言後表示：「爾冬陞一向都係對我好嘅導演，聽到對方咁錫我，覺得好感動，有啲想喊，我諗我接嘅機會都相當之高。」而栢芝昨日受訪時，表示前晚抵港即被大批傳媒爭相追訪，感到驚嚇，又在主持人面前兩度落淚。

霆鋒揭曉二仔名

想知Lucas受歡迎程度有幾多，從他的一段跳舞片段在網上瘋傳便可知道，前晚網上出現了一條Lucas聞歌起舞大跳MJ舞的短片，旋即被網民廣傳開去，成為一夜熱話！片段中，Lucas聽着MJ歌曲《Beat It》起舞，連MJ招牌動作Moonwalk都做埋，而模仿雙手摸大腿動作時，因手仔太短，只能做到「半桶水」以雙手拉起腳仔當舞步，盡顯天真可愛，逗得在場人員包括栢芝笑得開懷！據知，這條短片是栢芝與Lucas為《長江7號愛地球》錄主題曲前，拍攝的一些幕後花絮。

另外，前晚栢芝透露細仔Quintus已改了中文名，但由爸爸謝霆鋒公布，昨致電拉姑，拉姑指自己、謝婷婷、栢芝與霆鋒各改了一個名字，最後決定權交由霆鋒，據知Quintus會跟哥哥一樣會有一個「振」字。

文：影視組