憑住E Cup身材為人熟悉的「浸大E神」楊梓榣（Carol），早前被指出寫真集計劃撻Q，原來她日前秘密到峇里拍攝超激寫真，笑言整個拍攝過程似冇着衫，更使出一招夾胸食波板糖，更揚言身材真材實料，毋須靠缽仔糕托胸。
將推出處女寫真集的Carol相片率先曝光！擁34E逼爆上圍的她，穿着三點式在峇里的沙灘大解放，擺出不同的撩人姿勢，大晒七吋事業線，三點式泳衣亦難掩其E Cup漏奶上圍，噴血程度爆燈。
去年周秀娜憑滴奶、食雪糕爭贏寫真女王寶座。Carol今年就用雙手夾住七吋事業線，口中含着波板糖，再配以殺死人眼神，誓要撼贏周秀娜的成名動作。
Carol表示對處女寫真非常有信心，今次除了起用周秀娜去年寫真的製作班底，更找來周秀娜的專用攝影師Ronald幫手。不過她透露在峇里五日的拍攝過程亦非常辛苦：「一落機之後全程好似冇咩着過衫咁，成日都係着住比堅尼同bra影相，曬足五日，每日都要搽足防曬用品。」問到是否有信心追擊周秀娜？她說：「都有信心，今次我喺本寫真擺咗好多好大膽甫士，食波板糖只係基本嘅招數，好多甫士仲Sexy。（傳聞你『M到』谷奶？）冇咁嘅事，就算唔M到身材都咁勁。今次全程無用缽仔糕，真材實料上陣。」有傳Carol今次的寫真製作費「慳皮」，只花十四萬製作。其經理人否認傳聞，指製作費接近七十萬。
文：專案組