郭羨妮叫師妹專心比賽咪理是非
今屆港姐候選佳麗是非不斷，身為師姐級的郭羨妮（Sonija）昨日寄語眾師妹專心作賽，不要理會閒言，結果如何均是美麗回憶。
Sonija昨日擔任「鉅記餅家」分店開幕剪綵嘉賓，透露已兩度與他們合作，笑言對酬勞感滿意之餘，老闆亦相當豪爽，每次經過餅家也可免費提取產品，令她感到非常高興。
談到今屆候選港姐是非不斷，Sonija表示未有留意，更謂：「年年有呢啲新聞，我前兩日先完成套劇，依家仲未調番好啲時間，所以唔係好清楚，其實佢哋應該唔好理咁多，好好去比賽就OK，咁盡咗力，結果得同唔得都係一個美麗回憶囉！」
芝齡百萬嫁妝投資
宋芝齡則充當活動司儀，表示其投資近百萬元的婚紗攝影公司即將開幕，坦言回復單身，所以便集中火力寄情工作，雖然渴望拍拖，但卻乏人追求，更說：「我成日都見學校嘅老師，唔通同佢哋拍拖咩，依家我成副嫁妝放落間新公司度，諗住初期會親力親為，跟啲新人去韓國影婚紗相囉！」談到世界盃昨晚開鑼，芝齡笑指她與學校職員均熱捧韓國隊，有職員更投入得向她請假睇波，她說：「如果個個請晒假邊個上堂，所以仲拉鋸緊，我驚佢哋向我示威呀！」
文：影視組