發哥晒身家：唔洗衫有億

發哥難得現身香港，出席自己主演的電影首映禮，自然吸引各界關注，吳彥祖、Rosemary、貝安琪、王敏德、許懷欣與外籍太太、黃長發與女伴均有到場一睹發哥風采，而發哥發嫂則以壓軸身份到場，更獲電影公司老闆Harvey Weinstein傍實，雖然有大批保鏢護送，但現場傳媒太過熱情，過程中與戲院人員發生碰撞，更有傳媒不慎倒地，場面混亂。

喜與鞏俐合作

發哥被問到是否購入豪宅貝沙灣，他笑說：「我冇睇樓，我去睇吓邊度可以吸龍氣，（買貝沙灣？）冇咁嘅事。（點睇有人將你同周星馳比身家？）我件衫唔洗就有『億』！」

雖然有不少藝人撐場，但就不見同片女主角鞏俐，發哥表示：「我哋分工合作，我唔會出席上海電影節。（同片尊古錫話十五年前已係你影迷。）唔係嘛？不過我好開心再同鞏俐合作。（尊古錫讚鞏俐比章子怡更靚。）佢哋係兩種唔同嘅靚，各有各靚。唔識鞏俐就覺得佢好似蒙娜麗莎咁神秘，識落就覺唔係。此外，貝安琪一邊讚發哥演技，一邊讚緋聞男友尹子維在舞台劇《金鎖記》的演出，表示媽咪有意觀賞該舞台劇。

王敏德、貝安琪齊齊睇優先場。	黃長發攜性感女伴到場。	Rosemary一身全黑打扮亮相。

文：影視組