李蘊胸襲劉欣宜冇自卑
「E Cup Baby」劉欣宜（Miyoko）與李蘊前晚帶埋全新組合N'gine到酒吧演出，兩女在酒客面前又扭又跳，非常投入，提到新歌《Mister》受到網友猛烈抨擊，她們坦言已經改進舞步，李蘊更言：「有個動作原本係我掃佢手臂，不過就唔覺意掃落佢個胸度，（質感如何？）幾好啦，不過我唔會自卑！」
Miyoko表示開騷前打算戴個白色羽毛頭飾，她說：「原本個羽毛頭飾好靚呀，不過啲白色羽毛周圍飛，搞到我全身都係，李蘊仲問我『你又露毛喇』！真係嚇死我，（清潔晒未？）上次係個美麗的誤會，以後會留意多啲。」