任達華為自閉童開影展
任達華昨日出席「New York Fries」山頂廣場旗艦店開幕，並為早前他為「自閉症兒童基金協會」所拍攝的「兒童慈善攝影展」作品揭幕。華仔表示今次是義務性質，他說：「啲相影到佢哋好似普通小朋友咁，覺得好感動。」他透露將會舉辦有關的影展，藉此引起各界關注他們，他續說：「希望多啲藝人可以幫助佢哋，佢哋係有得醫，令佢哋慢慢開放自己。」
熱心慈善的華仔笑言希望接拍相機廣告，以便他捐出相機給該協會，他又自掏腰包買了幾部攝錄機送給協會，他坦言：「因為我細個好窮，所以想幫助小朋友，我仲想帶埋囡囡參與，由佢負責影相。」