謝安琪扮熊賀兒生日
謝安琪（Kay）昨日現身《第三屆香港書獎》活動，擔任頒獎嘉賓的Kay自言喜愛閱讀，但暫時未有打算出書做才女，Kay說：「咩書都鍾意睇，細個有幾次作文高分，有諗過做作家，覺得文筆好好有氣質，大個就知自己唔係呢種氣質。」Kay透露囝囝張瞻愛講故事，甚得爸爸張繼聰真傳，她說：「佢自己亂噏啲古仔，唔知點解佢好似識好多嘢咁，生活圈子好廣闊，真係估佢唔到！」
此外，Kay月中往台灣宣傳，再次澄清非靠好友陳奕迅搭路進軍國語巿場，她說：「計劃咗好耐，都延期咗幾次，囝囝下星期生日，想自己幫佢慶祝搞第一個生日會，已經諗咗扮熊仔氹佢開心。」