江若琳膚淺球迷齋睇靚仔
江若琳、諸葛梓岐、丁子高昨日現身《全球「Goal」慶@海港城》活動。對於被指與陳鍵鋒一件衫兩份着，江若琳說：「報料者可以做編劇，試問女裝衫男人點着得落？況且佢太靚仔，我冇安全感，而且我好難接受男友皮膚比我好。（鍾意邊個世界盃球星？）巴西卡卡，靚仔又乖仔，我好膚淺，鍾意睇靚仔。」
諸葛梓岐則疑似將西班牙球星費蘭度托利斯，錯講成拉羅斯，她說：「我鍾意佢夠大隻，男友都好鍾意佢，所以唔怕呷醋，我本來都想去南非睇波，但怕治安唔好。我近排學緊日文，學好日文喺日本發展，啲日本人會鍾意你多啲，我會走kawaii同sexy路線。」
此外，丁子高被取笑與老婆楊千嬅在微博晒恩愛，他說：「我好少時間見千嬅，好少溝通，所以同佢忍唔住喺微博講兩句，唔係晒，係不嬲都咁幸福。」