莫華倫做震店之寶

擁有一把靚聲的莫華倫，直言是一個為食男高音，不過他為保靚聲專揀冇味精美食，今次他與板長壽司老闆鄭威濤（Ricky）一拍即合，成為「自家烏冬專門店」代言人，皆因店中湯料不加味精，令莫華倫食得放心。

莫華倫（左）獲板長老闆Ricky（右）睇中拍廣告，二人一拍即合。	莫華倫首度擔任食店代言人。	莫華倫太太Winnie（中）前來探班，笑得開懷。

太太監場

日前莫華倫走到將軍澳第六間分店拍廣告，太太Winnie專程前來探班，十分體貼。當年因以高音唱爆玻璃杯出位的莫華倫，在廣告中亦聲震食店，高唱「自家烏冬」四個字，認真出位，問到他酬勞是否滿意，他說：「梗係好滿意，其實講真價錢係其次，主要係我本人好鍾意食烏冬，去親日本都會食，呢間店嘅烏冬係自家製，質感同一般超市買到嘅好唔同，我特別係鍾意飲埋啲魚湯，總之一個字：『正』！」

進軍內地

當晚亦前來探班的Ricky，大讚莫華倫是世界著名男高音，他很榮幸邀得對方任代言人。分店愈開愈多的Ricky，原來本月進軍內地市場，於北京開食店，問他是否要做飲食大王，他謙虛地說：「唔係，我哋嘅食店價錢好合理，唔係賺咩大錢，希望普羅大眾都可以食到啲有質素嘅烏冬。」

文：專案組