林熹瞳多重角色兩個名
林熹瞳（Rachel，前名：陳曉華）名字或許令人陌生，但她去年在電影《怪談》中的一句「師傅！」，卻教人記憶猶新。
畢業於演藝學院，幕前演出與幕後製作都同樣感興趣的Rachel說：「我份人一啲都唔大膽，只係公司叫我做，我就努力做。我做《怪談》其實係愈做愈細膽，始終都有啲陰影，夜晚唔敢瞓，搞到失眠咗一段好長時間，後來慢慢參與其他工作，至沖淡恐懼感。」
出寫真、拍電影、做編劇的Rachel，集多個角色於一身，現實生活中亦擁有兩個名，她說：「好多人奇怪我叫開『陳曉華』，點解要改呢？其實我爸爸本姓林，當年因為上契改姓陳，依家想改番本姓，我感覺舊名『曉華』好霸氣，『熹』字有個『喜』字，我想畀人一個好開心嘅感覺，『瞳』字就代表童真，希望可以保存一份童真。」
髮型：Ray Ip @ HH's Hair 化妝：Kistrin Liu