周子駒登長城跑馬拉松
音樂節目主持人周子駒早前參加運動品牌舉辦的長城長跑，親自飛往北京參賽，登上長城做好漢之餘亦挑戰自我。他在險要的長城上跑馬拉松，十公里賽程以往在香港只需45分鐘便能完成，今次卻足足用了1小時45分鐘，周子駒坦言對成績不太滿意，他說：「長城又上又落，跑起上嚟原來真係唔容易，加上我之前勁多工作，冇時間可以去練，今次冒住心臟病嘅危機去，希望下年有充足準備再來挑戰。」
周子駒近年先後去過約旦及極地跑馬拉松，最近更愛上潛水，4月首次接觸馬上愛上這項運動，花1個月時間便考了2個牌照，原以為周子駒是運動高手，他說：「梗係唔係！我讀書係大肥仔，畀人笑要戴胸圍添，直到開始發育先做運動，依家就為咗逼自己生活有規律，有比賽就會有呢種動力。」