李彩華見過鬼怕黑

Rain早前與前經理人公司寰宇解約，因合約還有兩年期限，所以Rain需賠上七位數字，才可回復自由身，如此還自己一個自由，難免會令人覺得她對前公司有所不滿，Rain表示：「之前我簽寰宇，係因為當時嘅老闆娘趙小姐（趙雪英）幫咗我好多，將我嘅事業逐步推上去，但之後佢經歷咗一啲事（指離婚），離開咗公司，好多嘢同之前唔同晒，令我覺得好迷茫，所以就決定離開。」

工作獨立

對於有傳Rain離開，是因不滿公司將資源投放在另一位藝人身上，Rain沒有正面回應，只表示：「我知道有啲藝人會好依賴好多助手，但我就可以自己搞掂，因為化妝、Set頭我都有贊助，加上好多Job都會自己嚟搵我，好多嘢都可以好獨立。」

欲開公司

離開寰宇，曾有指Rain加盟另一公司「Golden Scene」做一姐，她解釋因離開前公司後，趙雪英與「Golden Scene」老闆很熟，所以藉着對方在這個過渡期幫幫手，並非真的簽了新公司，Rain坦言經過了兩次失敗，對再選擇經理人公司會十分小心，不會鹵莽做決定，她還幽默笑言從沒送過七位數字禮物給自己，但卻為解約賠了七位數字，所以真的怕了！

記者問Rain有無考慮自組公司，自己管理番自己的工作，不用再將命運交予其他人手上，Rain指確有想過，但始終自組公司，不是容易的事，所以，都要考慮清楚，亦不排除簽其他藝人，試吓做經理人的滋味。

Hair stylist：Daniel Chau （Hair Corner）

場地：Hair Corner

文：影視組