馬賽自認宅女接受電車男
「君女」馬賽在處境劇中戀上「電車男」，在現實生活中，馬賽坦言與電車男拍拖也沒不妥，認為最重要是相處得來，更自嘲其實也是「宅女」一名。
在處境劇《女王辦公室》中飾演「君女」的馬賽與「電車男」吳卓羲撻着，為現實中的「電車一族」加油打氣，馬賽不諱言劇集出街後，粉絲也增加不少。
問到可接受「電車男」當男朋友？馬賽說：「冇所謂喎，最緊要大家溝通到，合眼緣就得，同埋要理解我嘅工作。其實我都覺得自己係宅女，因為一開劇就好忙，唔使開工都鍾意留喺屋企上網、整嘢食、讀劇本、或者落街放狗，有朋友約都唔願出去。」
拍Bobby學演技
最近馬賽剛剛拍罷劇集《不速之約》，原本纖瘦的她因「多口」而暴肥，她說：「喺戲裏面做Bobby（歐陽震華）個妹，我哋開工成日將啲道具飯餸食晒，慶功嗰陣Bobby笑我肥咗，我話你都一樣啫。」
馬賽今次拍劇與Bobby、楊怡等前輩合作，起初也戰戰兢兢，但合作得相當愉快，她說：「跟佢哋學咗好多嘢，雖然之前拍過處境劇，但節奏好唔同，今次跟佢哋學到好多實際嘅演技應用。」
採訪：影視組 攝影：黎智輝
場地：馬哥孛羅港威酒店
服裝：AIX
髮型：Oscar@HAiR