龔嘉欣姚子羚賣肉免問
縱使性感是娛樂圈成名捷徑，不過姚子羚、龔嘉欣自言十分怕醜，缺乏性感味道，故謝絕闖性感路線，表示要以實力致勝，寧願捨快取慢。
姚子羚、龔嘉欣首次合作拍攝無綫新劇《蒲松齡》，二人同聲同氣、睇法一致，面對當下一眾o靚模標榜性感、賣肉上位，她們異口同聲表示拒絕效法，揚言以實力逐步逐步取勝，實行龜兔賽跑。
目標惠英紅
龔嘉欣自言十分怕醜，難以性感示人：「本身好傳統，要着泳衣面向人前，感覺好唔自然，我嘅底線只係露腳，不過平時都好少着裙。（性感係成名捷徑？）個人比較踏實，所以想以實力演技成名，不過每個人都會有自己嘅路。」另外，龔嘉欣透露希望可以轉型做打女，飾演型格女警角色，由於她有跳舞底子，目標是做到小紅姐（惠英紅）般演得兼打得。
拜師廖啟智
姚子羚雖同意行性感較易成名，但絕非長遠之計，認為長期賣肉有欠新鮮感，她說：「性感係容易令人留意，但如果每次都性感就冇新鮮感，最重要都係實力，最近我搵咗智叔（廖啟智）做老師跟佢學戲，佢唔單止好戲，仲好容易相處，係個好老師！」
場地：H CLUB
化妝：SAMMY LAM
髮型：Leo Poon（龔嘉欣）