楊洛婷靜待嫁期
港姐出身的楊洛婷（Rabee）由於能操流利中英文，經常獲公司邀請擔任活動主持，近日她替鐘錶品牌Rudis Sylva做司儀，戴上價值逾二百萬名錶的她可謂一步一驚心：「呢隻錶全港淨係得兩隻，個價錢夠我買層樓啦！」跟Dear Jane成員Tim蜜運中的她，坦言正等對方送她鑽石情侶錶。
Rabee亦有密切留意今屆的入選港姐，大讚高質素。而她跟當年同屆港姐仍有保持聯絡，近日更出席了曹敏莉的入伙派對：「我哋嗰次成班同屆港姐見到佢都好開心，佢仲分享甜蜜求婚經過，大騷佢嗰隻3卡求婚鑽戒！」她直言自己都有一顆恨嫁的心，但就要等待合適時機。