祖兒嗌攰牛一唔開P
樂壇天后容祖兒(Joey)昨日以性感造型出席活動，連日肚屙令伊人清減不少。下周生日的Joey笑言獲「皇上」御准放幾日假，不過她只望平靜度過，好好休息。
Joey昨日為代言的護膚品牌出席頒獎禮，以一身黑色Gucci中性套裝現身的她，原來暗藏玄機，在腰間、大腿及背脊都有不少窿窿，露出白滑肌膚，非常性感。
御准放假
Joey笑言連日肚屙後清減不少，令她一度擔心新衫太鬆會走光，但Joey坦言身體已逐漸康復，她說：「你都唔好唔信邪，我屬猴今年犯太歲，之前失聲、感冒到依家肚屙，半年內病足四個月，（攝太歲？）我諗媽咪應該有做，不過最緊要唔好影響工作。」Joey早前到菲律賓拍戲，為怕肚屙發作，要隨身準備幾個膠袋戒備，問到她會否請病假？她說：「嚟緊生日得到皇上(公司)御准放幾日假，除咗見歌迷之外，都諗住靜靜哋過，因為真係好攰，搞Party又怕飲酒刺激腸胃，唱卡拉OK又怕失聲，所以希望大家體諒！」
自嘲眼細
另外，同場的o靚模Evelyn、Anjaylia及Leanne Ho在台上分享扮靚心得，Evelyn說：「自己中學時代真係唔識打扮，希望大家唔好搵到舊相，(怕畀人話整容？)如果有人話我整過都幾好，證明我變靚咗，不過我個樣真係差別唔大，對眼都係咁細！」
採訪：音樂組