密實湯唯：傳聞年年都有！

十五位準港姐昨日正式曝光之前已新聞多多，包括內定冠軍、整容、吸毒等傳聞，但各人面對傳媒時都有備而來，表現淡定，有些更是「牙尖嘴利」。

「密實湯唯」(11)李文煊對於被指內定冠軍，淡定的說：「年年都有呢啲傳聞，（話你家底好？）屋企OK，但唔係咁誇張，（今日條裙同其他人有啲分別？）我條裙好長，（受優待？）唔係。」李文煊斯文大方，但廣東話卻不太純正，她解釋是在上海出世，九十年代來香港後到英國讀書六年，至去年畢業返港，不過她說「九幾年」時卻不慎說成粗口音，自己也忍不住笑。

（左起）(2)張莉莎、(7)何樂翩、(12)湯寶珍均有一副疑似整容樣。

今屆港姐質素明顯比上年好。

(12)湯寶珍牙尖嘴利

相對李文煊的淡定，現職機艙服務員的(12)湯寶珍，面對被指貪小便宜、愛偷懶、扮洋人及隆鼻傳聞，她以典型「港女」的「牙尖嘴利」口脗回應：「做嘢冇偷懶機會，講英文係因為公司需要，我都冇整過容，可能係平時我親切、友善個樣同化咗妝後，啲輪廓出咗嚟有多啲光影，令人覺得唔同咗。」聽到記者「O晒嘴」。

27歲的(4)文凱玲，不覺年紀令她輸蝕。

(15)張秀文面對負面新聞時曾感不開心，要找朋友傾訴。

(15)張秀文無煙無毒

而(15)張秀文面對吸毒及酒吧兼職傳聞也「侃侃而談」：「我兼職只係做跳舞助教、補習同售貨員，我平時都勸朋友唔好吸煙，（唔吸煙都可以吸毒喎！）吸毒更唔健康，所以更唔會咁做。」

此外，佳麗十四日將出發往印度拍外景，隨行還有馬國明、羅仲謙及曾志偉。

文：影視組