周秀娜讚C朗雀仔誇啦啦

四年一度的世界盃今晚開鑼，身處「死亡G組」的葡萄牙擁有「萬人迷」C朗，令圈中不少女士改捧葡國！雖然C朗今晚還未出場，不過周秀娜已講到明會留意這位年輕球王的每場賽事！

偶像男友打平手

自言極愛巴西卡卡的周秀娜，原來對「邪邪哋」的C朗才真正有Feel，大讚拍過內褲廣告的C朗那話兒「誇啦啦」：「睇完佢底褲廣告真係不得了！隻雀仔好似飛出嚟咁！唔係個個斬波扭波都可以好似佢咁靚仔，就算受傷都係咁靚！」

曾因男友Avis攬女而嬲到要罰對方跪玻璃的周秀娜，對於C朗出名花弗，她說：「有時現實同幻想唔成正比，現實係殘酷嘅！」問覺得C朗跟Avis誰比較勁？她說：「唔可以比喎，一個用腳一個用手（Avis擅長打籃球），兩個都勁！」

袁彌明想試黑人

然而，所謂「C朗靚仔號令天下，費托不出誰與爭鋒？」西班牙「王子」費蘭度托利斯絕對是女生心目中的白馬王子，連組合冬甩Rainbow（胡心諾）也覺得他是最佳的幻想對象：「費托真係靚仔到癲，如果可嫁畀佢，我寧願以後淨係鍾意佢一個，聽講佢一啲都唔花弗，咁嘅男人可以去邊度搵？」

平日寸人唔使本的袁彌明，談到幻想對象，平時「醒扒」的她怕男朋友詐型唔肯答，但在追問下硬答卡卡，卻懶醒把卡卡誤當黑人：「我會揀卡卡，因為佢皮膚好黑，我冇一個男朋友係黑人，都想試吓！」認真吹得！

文：專案組