與未婚夫吵大鑊 娥姐喊住：唔嫁啦
商天娥、關心妍、周永恒、蔡少芬、苟芸慧等昨晚現身紅館《紅黑皇佈道會2010》，娥姐雖然十月才出嫁，但仍在台上分享婚姻生活，更透露差點婚禮告吹。
大會展示娥姐婚紗照，近日頻頻做機減了九磅的娥姐說：「個多星期前，都未影呢輯婚紗相，我同老公嗌咗場大交，係相識五年來最大鑊，我喊住話『唔嫁啦』，後尾我邊喊邊祈禱，老公至肯講『對唔住』，（乜事嗌交？）係好小事，個煲發霉，但佢冇試過咁惡對我。」現年47歲的娥姐又謂如後生五年，會考慮生BB，她說：「雖然我同老公都鍾意小朋友，但高齡產婦生完會變樣，算罷啦！」
將於今天起程到法國度蜜月的關心妍說：「老公話蜜月唔造人唔抵，所以喺香港一直設防。佢話唔去求婚地威尼斯，係怕啲『貢多拉』搖搖吓，佗唔穩個BB。我睇咗中醫，醫生叫我瞓多啲同唔好減肥，仲要注意浪漫同激情！」