基仔突然做老竇自嘲無福消受
古巨基與楊千嬅昨日以「太陽計劃榮譽大使」身份出席活動，基仔對於被傳將為人父，自嘲「未有做爸爸嘅福氣」；相反千嬅自爆正調理身體迎接「小生命」，更鼓勵基仔早日成家立室。
基仔、千嬅昨日帶領歌手洪卓立、詩雅、羅仲謙、麥家瑜等宣揚平等共融訊息，對於有雜誌指基仔緋聞女友兼助手Lorraine有喜，基仔說：「知道呢個報道時身在美國，趁我唔喺香港作一個咁嘅報道，肯定冇咁嘅事，好搞笑，呢啲事過幾個月就會不攻自破，不過都多謝佢作都係件『喜事』，未有做爸爸嘅福氣！」
唔驚《勁歌》摺埋
對於Lorraine昨日未有現身，基仔解釋說：「咁啱啫，佢依家負責服裝同設計公司啲嘢多啲！」此外，有指無綫音樂節目《勁歌金曲》在缺少四大唱片公司歌手亮相後收視大跌，身為英皇歌手的基仔說：「我都好耐冇上，遲下派新歌會。（有信心救收視？）唔係救唔救，作為一個歌手，TVB提供一個平台畀我哋去宣傳係好事！」基仔又言《勁歌》有代表性，不擔心因收視被取消。
老公被嘲丁師奶
太太級的千嬅亦向基仔催婚，鼓勵對方早日成家立室，問到「造人大計」，千嬅說：「過埋今年唱爆紅館先，依家心態同飲食都有改變。」將於12月補擺喜酒的千嬅早前大爆老公睇通勝「造人」，問到如何配合，她說：「佢（睇通勝）畀人笑到依家，叫佢做丁師奶，佢成日都覺得我唔健康，乜都夠膽死喺網上講，依家搞到我出活動揸住杯凍水都畀記者話我！」
採訪：音樂組