阿嬌放過小方不做第三者

阿嬌、小方聯同導演劉鎮偉為英皇電影《出水芙蓉》宣傳，今次是這對緋聞情侶於電影完成後，首次一起在港宣傳。初見二人有點拘謹，不過熱身後重拾默契，重演戲中騎單車一幕，小方的手也不避嫌輕擁阿嬌腰部，身貼身拉近距離。

事後問到重溫片段會否懷念「當年情」？阿嬌說：「係戲中情啫！（問咗佢同鄧麗欣結婚嘅事未？）問咗啦，佢話唔係呀！（放心晒？）係你哋放心晒，你哋叫我問嘅！」小方則一再強調沒有結婚這回事。

原本浪漫的場面，卻被小方的表情破壞了。

小方模仿海獅，以頭穿進阿嬌拋出的水泡。

《前度》慈善首映

戲中小方教阿嬌游水時互生情愫，問小方可試過教游水追女仔？他笑笑說：「使唔使用呢招呀！（用咩招？）用顆善良、真誠嘅心，啲女仔願者上釣。」那麼阿嬌可感到小方那顆善心、真誠的心？她說：「佢應該係我本善良。（打動到你？）戲中打動到。」

電影在七月十五日上映，阿嬌、小方可擔心再被翻炒緋聞？小方說：「唔會啦，阿嬌有咁多套戲上，都唔知傳得邊個。」阿嬌又會否怕被指介入小方及鄧麗欣之間？她即說：「啋！我唔做第三者架！」

此外，另一部阿嬌主演的英皇電影《前度》，將於今晚在海運戲院舉行慈善首映，阿嬌與詩雅、陳偉霆均會現身，三人並先於中午出席由FRUITZ by Philip Stein贊助之慈善義賣活動，善款撥捐「聯合國兒童基金會」。

文：影視組