陳偉霆向前望拒再提Baby

陳偉霆（William）、泳兒及跳舞組合HotCha昨日出席「韓國美食節」活動，剛從美國學舞回港的William，自爆在當地「使大咗」：「淨係屋企同公司講電話，漫遊都用咗萬幾蚊，不過今次過去都值，心情同狀態都唔同晒！」對於前女友Angelababy被指一腳踏兩船，William直言：「佢哋兩個嘅事問番當事人，自己好不容易抽身出嚟，喺美國回復番好多，唔想成日提住啲緋聞。」他透露最近沒有與Baby聯絡，坦言希望事業向前之餘，愛情亦不想望轉頭。
William從美國回歸，自言狀態大勇。
William從美國回歸，自言狀態大勇。

至於泳兒就表示近日愛上看韓國MV，希望公司批准她唱跳舞歌：「健康性感都接受到，排舞師仲話如果我跳舞，就會安排一班肌肉男畀我做Dancer！」

  • 放大圖片
泳兒開口表示恨唱快歌。
  • 泳兒開口表示恨唱快歌。