謝安琪唔信Eason有私竇
謝安琪（Kay）昨日在世界環保日活動上，踩特製的健身氣泵單車，寓意為地球打氣。她除介紹生態足印外，又展示了「海鮮選擇指引」，教大家減食被濫捕的海產。有報道指她得緋聞好友陳奕迅（Eason）的協助進軍台灣樂壇，Eason在台灣還有「私竇」？Kay話有看過報道，覺得傳言好騎呢，因她往台灣發展並非近日的事，她說：「冇米粥都煲咗咁耐，呢啲新聞得啖笑，Eason梗係冇私竇啦。」她又謂自頒獎禮後，沒有再和Eason見面，就算是見只限工作上碰面。
至於有指她屬四大唱片公司歌手，因和無綫關係惡劣，連商場騷都減少，她表示現時收入沒有問題，對於李克勤指唱片公司和無綫關係「有啲進展」？Kay大讚：「梗係好啦，最好融洽相處。」