34G謝婷婷離罩晒坑爭合約

陳樂榣、陳雋騫及張豪龍前模特兒女友何紫綸，前晚任酒吧舉行的「全能星模選拔賽2010」決賽評判，八位參賽者為爭取模特兒合約，在才藝表演中各出奇謀，拋胸、自摸、扭Pat不在話下，參賽者黃湫鏵甚至將雙腳翹起瞓在地上，由於動作「騎呢」，令多位評審忍俊不禁。

「嫩版盧巧音」奪冠

自稱有34G的伍淑怡（YoYo），樣貌與謝婷婷有幾分相似，故被冠之為「G奶謝婷婷」，當晚她穿上低胸衫獻唱時出現離罩，一度惹來露點疑雲，期間更走到評審面前俯身狂騷「深坑」，搞到乖仔的陳雋騫不敢正視；反而陳樂榣拍晒掌大讚：「我畀好高分佢，因為佢嘅身材好似拍檔Suki（石詠莉），表演時好有自信。」雖然YoYo獲得陳樂榣睇好，但最後被拉小提琴的「嫩版盧巧音」李文廷贏得冠軍寶座，她只奪得季軍。

黃湫鏵行catwalk充滿自信，最終成為亞軍得主。	６號參賽者連綺嵐穿上性感內衣扭Pat獻唱。	擁有36的２號參賽者穿上細碼比堅尼，大有逼爆之勢。
一班參賽者穿上比堅尼作賽，最後由「嫩版盧巧音」（左一）奪得冠軍。	陳樂榣頒獎給季軍「G奶謝婷婷」Yo　Yo。

陳樂榣寸露毛冇腦

對於八位參賽者的表現，陳樂榣表示做o靚模除有身材亦要有智慧，她說：「刻意露毛走光博上位，呢啲咪冇腦囉，做模特兒唔會有呢啲行為。（邊個o靚模冇腦？）唔知仲喺唔喺度，係上年嘅，仲出過月曆添。」曾走性感路線的陳樂榣坦言已將「咪咪」慢慢收埋。

文：音樂組