衞詩試愛Monique衝事業
周凱盈（Monique）與衞詩（Jill）雖同樣捲入吸毒風波，但二人已覺悟前非「重新出發」！前者於前晚出席時裝騷時表示會努力進修語言外，更揚言有公司斟洽出寫真；後者在吸毒事件後，事業、愛情看似告急，但伊人仍不愁寂寞，除了曾揚言想出福音碟外，身邊男伴更如走馬燈，與Monique可謂各有各精彩！
o靚模周凱盈（Monique）自今年一月因藏毒被判感化一年，繼二月以更生人士身份出席過抗毒活動後一直鮮有工作。前晚，Monique終「開齋」以OL造型行貓步，同場還有Jelly Girls成員ToTo、Raico及Ruby，不過三人造型明顯比Monique性感，令原本應是活動焦點的Monique風頭被搶。
Monique受訪時直認這次是自藏毒事件後首個貓步，否認遭公司雪藏：「我同經理人約滿咗，今日係朋友叫我幫手，有酬勞嘅。」她又解釋不續約是因暫未有時間與經理人洽談，但她仍對前景充滿信心：「等會考放榜後會再讀語言，唔會放棄娛樂圈發展，希望可以邊接job邊進修。」她又透露有機會會推出寫真，誓要與現時大行水着之道的o靚模看齊：「都有其他公司搵過我傾出寫真，但未有咁快！（嚟緊行性感路線？）我嘅身材又未至於，行番健康性感啦。」提及藏毒一事，Monique感嘆令她啟發良多：「我學到好多嘢，有啲嘢唔可以試，當畀年輕人一個反面教材。」問到到酒吧工作會否有陰影時，Monique則謂：「都係做嘢啫！屋企人都知我接騷，佢哋都好支持。」
半夜留香閨讀經
此外，去年與關楚耀在日本因藏毒被判緩刑的Jill，與關楚耀宣告分手後不愁寂寞，繼傳出有老外男友NIC後，又與HIP HOP音樂人K-CHEK搭上，日前更見她與一名紋身CAP帽男於灣仔買包醫肚，雖然衞蘭當時亦在場，但衞詩卻只顧與紋身男談笑，二人如糖黐豆般，衞詩還頻頻被男方冧得甜笑，三人其後返回衞蘭寓所，至深夜仍未見紋身男離開。對於帶紋身男返家，Jill接受本報訪問時直認此事，但她解釋：「佢係上嚟屋企，但大家只係朋友，我冇拍拖，佢唔係我男友，（半夜上你屋企做咩？）我哋讀經之嘛。」提到何時復工，身為教徒的她則透露望可推出福音碟。
多人撐唔愁出路
此外，Monique自因藏毒被判守行為後復工，她的前經理人Admond不排除再錄用：「之前佢要會考冇續約，點知發生藏毒事件，對佢有啲失望，等佢重新做人先再考慮，要傾吓睇佢有冇心改過，唔排除再錄用佢。」而陳靜（DaDa）的經理人施念慈在Facebook上問候Monique近況，會否羅致她成旗下要視乎市場需要及人品。Jelly Girls前晚與Monique行騷，其經理人Benny表示不介意給機會予改過自新的人，不過周秀娜的經理人Roy則無興趣與Monique簽約。
文：影視組 攝：追蹤組