李克勤收爐唔諗追個女

李克勤昨日出席在維園舉行的活動，講到霆鋒緊接他再做父親，克勤謂：「恭喜佢，我都有SMS畀拉姑，恭喜佢有多個新成員。（幾時再追個女？）唔啦，手頭好緊，收爐啦，其實第二個都唔係刻意，今個月好多工作，依家個大仔識講嘢又有思想，見我出去開工，佢會唔開心，所以，做父母畀小朋友最好嘅嘢就係時間，但冇辦法要搵食呢。」另提到克勤幫電台講波放棄出現無綫，但無綫何麗全卻說「邊個話冇克勤？」，讓人覺得事有轉機？克勤表示：「多謝全哥咁睇得起我，但主動權唔喺我度，要有通行證先得！（你好想做？）唔係我想就可以決定，一日未解決都冇得郁，希望可以開波之前解決就好嘞。」