何琍琍大女趙式明早前才大方承認與比她年輕十六年的邱德根孫兒邱華瑋拍拖，最近即傳出兩人有意今年拉埋天窗，致電何琍琍求證，她表示：「冇呢件事！我唔知道，出面成日都好多謠言。（想唔想佢哋快啲結婚？）等佢哋自己決定。」
至於男方比女兒細十六年，何琍琍表示不會介意，一切隨女兒意願，她說：「男人娶個後生嘅就冇人問，任何一個人都冇權去評價，我哋畀空間佢哋，佢哋知自己想要乜，我哋唔好干涉，最重要佢哋開心！」
