千嬅唔使GPS丁子高
「丁太」楊千嬅大晒恩愛，新手機內設有定向追蹤，可讓老公清楚她的行蹤，方便做「柴可夫」接載她，對於「食詐胡」傳聞，千嬅重申已簽約舉行個唱，短期內也不能生BB。
千嬅昨日出席手機產品發布會，張繼聰「升呢」做司儀，同場還有女模莊思敏及Kelly Fu，千嬅獲贈兩部最新手機，可跟老公作情侶機：「大會好識做，部機仲有GPS（定向追蹤）。」她揚言對老公有信心，不是要check住老公，她笑說：「係佢成日打嚟問喺邊？做緊乜？食咗飯未？知我喺邊就過嚟接我，好方便。」
傳授祥和做法
愛用手機上網玩微博及Facebook的千嬅，絕不將枕邊話上載，她笑說：「黐線，你估我傻o架？」在微博一段留言被雜誌大造文章，指她為「食詐胡」流產痛哭，千嬅說：「嗰段留言係張學友《我真的受傷了》嘅歌詞。」她揚言想以該雜誌名義捐款做善事，一於以德報怨？她笑說：「我幫佢戥番勻，我諗寫嗰個都好難過，嬲唔係辦法，所以我老公傳授畀我祥和做法，就係捐錢幫佢哋做善事。」
有餡唔呃得人
曾當護士的千嬅說，若然有喜便不能飲凍嘢：「要匿埋飲可樂啦，唔係實畀老公哦，真係有咗邊有得呃人，有餡就唔會出嚟。」她跟老闆亦早有共識，簽了合約十月要做演唱會，明年也要到美加、澳洲、內地巡迴演出，千嬅說：「喺內地開演唱會係我夢想，仲有部戲，所以明年都未必生得住。」
此外，留了鬍鬚的張繼聰為七月音樂會舞台劇試造型，他形容留鬚好man，他笑說：「太太係用家佢都話OK。（feeling呢？）唔拮眼。（嘴呢？）最近我好忙喎。」
文：音樂組