何超儀感激阿梅畀信心
向來語出驚人的何超儀，前日接受訪問時大爆初入行時，因發展不如意遭家人勒令返加拿大讀書，更遭家人嫌棄指：「唔好再畀人影到係我個女。」超儀又感激當年梅艷芳苦勸其家姐要對妹妹有信心，並感嘆外人竟比家人更了解自己。
近日為新片《維多利亞壹號》四出接受訪問的何超儀，前日接受無綫《今日VIP》訪問時，又再自爆驚人內幕。出身名門的超儀，直指剛加入娛樂圈時並不如意，尤其首張個人大碟，更是等了三年又三年才推出。雖然如此，但超儀坦言當時家人「零」支持，更遭質疑貪玩而被勒令離開香港。
不為所言傷心
超儀憶述家人當時說話表示：「『冇o架喇你，冇人要咁瘀，不如返加拿大讀書，唔好再畀人影到係我個女。』」超儀雖沒有明言此話是出自父親何鴻燊還是母親藍瓊纓，但她卻揚言自己沒有為家人所言傷心：「因為我覺得唔需要理會，但真係唔覺有人（指屋企人）支持，一個都冇。」
超儀又指當時梅艷芳、張國榮等對她的支持及了解比家人還多：「梅艷芳曾經同我家姐講，叫佢依家唔好計較我唱歌技巧，而係睇將來有人畀獎你個妹，佢攞唔攞得起？」超儀又指梅姐當時直指她「攞得起」，皆因覺得她有信心，超儀續說：「當時我在場，我聽到呢句嘢想喊，係因為竟然我十二、三歲先識嘅人可以咁了解我，點解你哋（指家人）唔了解？」
爭獎媽媽緊張
超儀又爆媽媽藍瓊纓從不欣賞她的電影及唱片，又狠批她的音樂是噪音、演戲欠缺內心戲。不過超儀卻指媽媽其實是扮作漠不關心，她笑言家中外傭踢爆，04年超儀憑《豪情》奪金像獎最佳女配角時，何媽媽除了緊張得整晚坐在電視機前面外，在超儀得獎一刻更開心得整個彈起。
文：影視組