黃長興冇事業舊愛嫌棄

黃長興前緋聞女友曹敏莉公布婚訊，昨日他與李璨琛、滕麗名等出席《怒火街頭》拜神儀式，問長興有否傷心時，他說：「冇，我祝福佢！佢以前都話唔想太大年紀結婚。（嗰時你唔想結婚？）我哋係緋聞之嘛，佢喜歡事業型，唔鍾意玩。（你唔係事業型，淨識浪漫？）我依家都冇變仲係浪漫。」問到送甚麼禮物給對方？長興笑言送利是最普遍。提到曹敏莉未婚夫送了三卡鑽戒，長興亦稱要努力賺錢送三卡鑽戒給未來老婆，但說時感覺酸溜溜。
陳敏之（左）與滕麗名身穿便服，不及杏兒的律師造型搶鏡。
陳敏之（左）與滕麗名身穿便服，不及杏兒的律師造型搶鏡。

此外，胡杏兒與鄭嘉穎在劇中同飾大律師，稍後將有一場「先性後愛」的床上戲。問二人贊不贊成這種方式？杏兒說：「女仔一定揀先愛後性，一定要愛佢至得。」嘉穎則笑謂雖然次序沒所謂，但必須要有好感才行。

左起：長興、李璨琛及嘉穎出席新劇拜神儀式。
  • 左起：長興、李璨琛及嘉穎出席新劇拜神儀式。