謝婷婷爆阿哥改名唔好
謝婷婷昨日穿着I.T的Hannah Marshall裙出席手機活動，並踢爆大嫂栢芝已秘密入院，她說：「佢已經入咗醫院，（生咗未？）應該未生，不過我都唔知幾時？」她透露母親節當日也有見到栢芝：「嗰日栢芝都有出嚟，佢好犀利，一啲都唔緊張，仲單手抱起Lucas。」問到準備甚麼禮物給ＢＢ？她笑說：「本來我打算買張ＢＢ被仔，點知媽咪有個契仔送咗張Hermes嘅被畀ＢＢ，所以我都唔知仲送唔送好？」
婷婷說母親狄波拉心情開心又緊張：「都會買薑醋煲，（改咗名未？）之前諗咗幾個又唔啱，多數係霆鋒改，但我覺得佢改名唔係咁好，我已經交叉咗幾個，哥哥想用番Lucas嘅尾音，太難囉！」
祖兒送靚衫
除了家人為栢芝分娩緊張外，一班好友亦紛紛預備厚禮，賀霆鋒、栢芝再做父母兼星級ＢＢ降世。容祖兒雖身在北京工作，返港後會親自去買套靚靚的ＢＢ衫送給他們。霍汶希會送ＢＢ籃；而郭偉亮說送禮物會由女友葉佩雯負責。周永恒則謂：「介紹自己快將出世嘅囡囡畀佢囝囝，等我個女睇慣靚仔唔會畀普通仔溝，咁我就安樂晒。」
