彭健新帶八十OK仔訪天水圍
戴夢夢聯同彭健新及Kawaii趁母親節前夕，帶同80隻Q版OK仔毛公仔前往天水圍探訪，真假OK仔共冶一爐氹到小朋友非常興奮。
彭健新（健仔）與他的愛犬OK仔一向都有不少捧場客，日前趁着母親節前夕，彭健新特別趕製80隻Q版OK仔，聯同戴夢夢和Kawaii到仁濟醫院屬下的天水圍幼稚園探訪，向小朋友大派禮物，為他們帶來不少歡樂。當日真實版OK仔亦有一同前往，不過因為衞生問題，OK仔全程要由專人抱實，未能近距離接觸小朋友，但亦吸引到不少小朋友圍着牠，氹到大家非常興奮。
收答謝卡開心
首次聯同OK仔和健仔去探訪的戴夢夢直言今次活動很有意義，戴夢夢說：「啲小朋友見到我哋真係好開心，雖然今日要好早起身嚟到咁遠嘅地方，但見到自己做少少嘢可以為人帶嚟咁大歡樂，我覺得真係好有意義，最特別係臨走嘅時候收到小朋友親手畫嘅答謝卡，覺得好溫馨，所以我諗以後有機會一定會抽多啲時間做義工。」
了解母親心情
健仔則表示與仁濟醫院一直很有緣分，去年仁濟夜亦有參與表演，今年打算趁母親節舉辦活動。他們一致覺得為人母親的最希望一定是子女健康愉快成長，所以決定先令孩子們開心，做媽媽的必定更開心，故一反傳統，與贊助商a3醫學中心在母親節送禮物給小朋友。
文：影視組