Juno超儀挑戰變態極限
何超儀（Josie）跟麥浚龍（Juno）合作的新片即將上映，他們破格在片中飾演低下階層人士，互相挑戰變態極限，《娛樂on Show》主持俞詠文（Angela）跟他們探討拍片時的心路歷程。
Josie在《維多利亞壹號》中首次扮演變態婆即入型入格，她在片中為了夢想不惜殺人：「個角色本身係一個喺社會上失意嘅人，佢去到邊都畀人恰，佢堅持一切都係為咗夢想而做，最後慢慢將佢逼咗入去死胡同。」今次這部電影更是其公司的首部作品，她認為最重要是創作到自己的作品，如獲好評更會分外開心，而她跟老公有時公事上都會合作，當問到他們會否因公事經常吵架？她笑言：「其實日日都嗌交，乜都嗌一餐，我覺得嗌交反而可以促進感情，令大家了解多啲。」
無懼封「三級片男星」
近日Juno連拍兩套三級片，當問到他會否怕被封為「三級片男星」，他笑言拍三級片只是很平常，並無特別。而當Angela問到出生於富裕家庭的兩人扮演窮人時，會否欠缺說服力？Juno即反駁：「咁唔通拍癲佬正傳就真係要癲㗎咩？重點都係做得似唔似。」而他亦沒有遇過片中所講的樓市壓力，因為他入行後都是自己租屋住。
文：專案組