呂慧儀港女上身放到盡

呂慧儀在處境劇《女王辦公室》中演秘書仔「初敏」，是典型港女，起初慧儀也擔心角色討人厭，但想通後反而覺得發揮空間很大，她說：「事前花咗唔少時間上網搵資料，只要打『港女』呢兩個字，就有好多『港女』嘅特質彈出嚟，不外乎貪錢、貪名牌、鍾意使男友、嗲聲嗲氣、拜金等等，自己消化咗呢啲資料後，再加埋觀察自己啲『港女』朋友，戲裏面又會成日講一句口頭禪『我唔搭巴士！』又不時補粉、照鏡，希望啲細節位更神似。」

約會男友免接送

呂慧儀被問到可覺得自己似「港女」﹖她笑說：「喺爹哋、媽咪面前就有時會刁蠻啲，反而對男朋友就唔會有，以前都唔會要求男朋友送禮物，大家因為住得遠，連返屋企都唔使佢送添。」

《女王辦公室》是呂慧儀與汪明荃的首次合作，問她可有得到阿姐的「指導」？呂慧儀說：「合作得好開心喎，阿姐係對自己要求高，其實佢好肯教人，係個好好嘅前輩。」

呂慧儀在新劇中扮演貪錢「港女」。

呂慧儀事前花了不少時間上網搜尋「港女」資料。

採訪：影視組

攝影：李柏儒　場地：Island Seafood & Oyster Bar

服裝：Max & Co　化妝：Emily Ng　髮型：Steve Shek@HAiR