鄺祖德恨與鍾舒漫「續緣」
唱而優則監的鄺祖德（Enrico），自嘲因欠缺高度，未能在樂壇突圍而出。曾經跟巨星、天后合作過的他，最難忘是關淑怡，最恨跟鍾舒漫合作！
Enrico當年挾陳秋霞姨甥之名闖樂壇，但成績未見突出。他自嘲：「我欠缺高度，又自閉唔主動，唔識人際關係，錯過好多機會。」醉心音樂的他惟有轉戰幕後，曾與成龍、容祖兒、關淑怡（Shirley）、陳柏宇、鍾舒漫（Sherman）等合作。他直認作為幕後音樂人，身價及賺得的錢比當歌手高得多。
最難忘關淑怡
在眾多歌星中，Enrico最難忘與Shirley合作，他激讚對方有自己獨特個性及風格。他說：「Shirley對自己要求好高，佢好專業，佢一定要唱到佢認為最好先得。」而在一班新進歌手中他最期望跟Sherman再合作，他說：「我同佢合作過，我覺得佢唱歌好有heart，把聲都好特別，都想幫佢寫首歌合作。」
親撰愛情小品
Enrico籌備了三年的新碟《序曲》連小說即將推出。中文只得小學程度的他，竟親筆撰寫四個愛情短篇小說，他笑說：「我老竇都話估唔到，過程係有啲困難，老竇幫手做校對執錯字。」今次大碟由他自資，由他一手一腳創作歌曲、監製、ＭＶ，他笑說：「因為乜都係自己做，所以budget方面就慳咗。」
文：音樂組