愛狗之人唐寧，早前為狗狗跳水比賽擔任評判，眼見大班「至愛」玩得忘形，愛心氾濫的她想為動物做代言人，發起相關籌款行動，最近正積極為流浮山一些被遺棄的動物呼籲，希望有心人捐錢為三百多隻貓狗建新居。
唐寧已開始物色相關團體或朋友參與，因活動涉及籌錢會比較敏感，擔心處理不好會出事，她說：「好似流浮山嗰度，三百幾隻貓狗被迫遷，依家佢哋買咗三十幾個貨櫃畀班貓狗住，但夏天就到貨櫃會好熱，諗緊想喺貨櫃上加高起個上蓋，所以要用唔同途徑呼籲叫人捐錢。」
